Reakshon riba informenan den media relashoná ku ACU
Reakshon riba informenan den media relashoná ku ACU
Willemstad/Philipsburg – CBCS a tuma nota di e atenshon ku ACU ta risibiendo den e medionan di
komunikashon relashoná ku renunsia di Hunta di Supervishon di ACU.
CBCS ta konsiderá ku ta na interes di ACU pa komuniká lo siguiente.
Manera ta konosí, CBCS ta monitorea e desaroyonan na ACU i a apuntá algun curator ku e meta di
modernisá i mehorá e prosesonan operashonal i di governance. Esei debí entre otro na algun konflikto
interno na ACU ku a trese intrankilidat. Ku e apoyo i empeño di e curatornan, a logra algun adelanto
importante. A mehorá i profeshonalisá diferente proseso operashonal. Riba tereno di governance
tambe, den e Reunion General di Sosio ku a tuma lugá dia 7 di mart 2021, ACU a fiha un kuadro nobo
i transparente pa su struktura interno. E kuadro nobo akí ta konta ku apoyo di CBCS.
E desishon di e Hunta di Supervishon di ACU di renunsia no mester ta un opstákulo pa ACU por
sigui padilanti riba e ruta ku el a skohe i bira un organisashon kapas pa enfrentá futuro sin problema.
Ku sosten di e curatornan, ta sigui elaborá e struktura nobo di governance, den armonia ku lei i
regulashon, e prinsipionan di bon governance korporativo i pensamentu kooperativista.
Willemstad, 13 di mart 2022
CENTRALE BANK VAN CURAÇAO EN SINT MAARTEN
PB2022-009 Response to Media Reports Concerning ACU ENG
