Aksidente di tráfiko ku morto

 

KOMUNIKADO DI PRENSA 132 /2022
15 mart 2022
Aksidente di tráfiko ku morto.

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Djamars 15 di mart 2022 alrededor di 08.23’or, Sentral di Polis a risibí informashon di un
aksidente di tráfiko ku a tuma lugá riba Kaya Macario M. Makai Prudencia.
Na yegada di e unidat polisial, el a topa ku un truk di karga i un siklista ku a aksidentá ku su
baiskel kontra di e truk di karga.
For di investigashon preliminar ku polis a realisá na e sitio, a sali na kla ku shofùr di e truk di
karga i tambe e siklista riba su baiskel tabata kore riba Kaya Macario M. Makai Prudencia
den direkshon di Kaminda George Willems.
Pa motibu te ainda deskonosí e truk a alkansá e siklista i a konsekuensia di e multiple
herídanan ku el a sufri e la fayesé na e sitio mes. Dòkter di polis a konstatá morto.
Identidat di e víktima lo keda publiká despues.
Personal di Departamentu di Tráfiko a keda enkargá ku e investigashon.