22 di mart próksimo FUNDASHON PRO SOUAX ta organisá: Charla gratis.

 

22 di mart próksimo FUNDASHON PRO SOUAX ta organisá: Charla gratis.

“COHO, TA BON PA KÒRSOU SI òf NÒ?                                                    

Fundashon Pro Souax i Sentro di bario Souax gustosamente ta invitá habitantenan di bario di Souax i bisindario i tambe otro interesadonan, djamars 22 di mart próksimo na e promé charla di e “Siklo di Charla riba Tópiko Hurídiko” pa aña 2022. Tópiko ta: “COHO, TA BON PA KÒRSOU SI òf NÒ?”. Oradó lo ta mr. René Rosalia.

Ta un echo ku e situashon sosial, ekonómiko i finansiero di Kòrsou ya pa años no ta bon. Opinion públiko ta dividí, si nos mes mester por disidí i solushoná nos problemanan den e areanan aki òf si ta Ulanda nos mester laga disidí i solushoná esakinan pa nos.
Ya pa bastante tempu tin e diskushon públiko/polítiko si COHO, e solushon negoshá ku Ulanda lo yuda Kòrsou i si e ta e mihó solushon. COHO ta  e solushon pa nos problemanan òf COHO lo hinka nos den mas problema?
Fundashon Pro Souax den kuadro di su meta pa krea oportunidat pa  habitantenan di Souax i públiko en general informá nan mes, ta organisá e charla riba e tópiko di COHO, di manera ku un i tur ta haña informashon/splikashon pa nan por komprondé mas mihó  e tópiko COHO, di manera ku nan tambe por opiná al respekto di un forma balansá i konsiente. Tur habitantenan di Souax i bisindario pero tambe tur otro interesado ta bon bini.

Kontinuashon “Siklo di Charla riba tópiko hurídiko”

Tópiko : “COHO, TA BON PA KÒRSOU SI òf NÒ?”.
Oradó: MR. RENÉ ROSALIA
Dia: Djamars 22 di mart 2022
Ora: 7or pa mitar di 9 anochi na Sentro di bario Souax
Entrada: GRÁTIS

This site uses Akismet to reduce spam. Learn how your comment data is processed.

%d bloggers like this: