Clothing Day 2022 was weer een succes

Global Issues Network (GIN) na International School of Curacao (ISC) ta parti di un ret grandi di studiantenan rònt mundu ku tin mes metanan; pa yuda komunidat lokal. Tur aña di nobo, nos studiantenan di ISC GIN ta organisá diferente tipo di aktividat ku ta brinda servisio i ayudo. Esaki ta inkluí entre otro mantené ISC su Campus liber di uzo di plèstik den tur forma, organisá dia pa muchanan di menos rekurso pa haña un eksperiensia dor di bin “shop” na ISC, bishitá kasnan di grandi, rekoudá kuminda pa bestia, buska mobilario pa diferente skol i hopi mas.

 

Djasabra último, 2 di aprel 2022 studiantenan di GIN a tene nan di 8 edishon di e Clothing Day/ Clothing Drive na International School of Curaçao ku e meta pa muchanan di menos rekurso, for di diferente kas nan kaminda muchanan ta residensia, tin e eksperiensia di “shop”.

E evento akí ta konosí komo ‘GIN Shopping Experience’ of mas bien Clothing Day.

A transhormá e gymzaal na ISC den un pakus grandi kaminda alrededor di 200 mucha, for di diferente fundashon, a haña e invitashon pa pasa un dia spesial pa nan “shop” i haña e eksperensha akí.

E aña akí tambe, esaki tabata un eksito kompleto. E muchanan a disfrutá di e ambiente, buskando paña, ko’i hunga i algun otro asesorio di nan mes eskoho.

 

Nos studiantenan di GIN a trese un brio di goso den bida di e muchanan akí. Preparashonnan a start algun siman pasá kaminda e miembronan mes a kolekta e pañanan, surti nan na sais, set-up i transformá e gym pa hasi e eskperiensia, unu plasentero pa e muchanan ku a bin “shop”.

Studiantenan di GIN – nos orguyoso di lokual bosnan a hasi i mas ku klaro lo sigui hasi.

 

Nos ker a yama danki na e komunidat di International School of Curaçao, ademas di algun kompania lokal ku a kontribuí na e kousa aki. Nos a ker a ekstendé nos gratitut i gradisimentu na Curaçao Cares Foundation (ku ta organisá CURA DOET) pa a yuda nos ku e organisashon i ku ta sostené nos tur aña di nobo. E evenementu akí ta un non-profit event, kual nos ta hasi ku e propósito pa yuda esnan den nesesidat i duna bèk na nos komunidat.

 

 

 

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: