Minister Ruisandro Cijntje E kompanianan di Kòrsou ku a biaha huntu ku mi pa Dubai a logra hasi hopi kontakto di negoshi. Un di nan ta Hospitality Management Services (HMS) ku a sera algun MOU ku algun organisashon den área di turismo na Dubai.

Minister Ruisandro Cijntje

E kompanianan di Kòrsou ku a biaha huntu ku mi pa Dubai a logra hasi hopi kontakto di negoshi. Un di nan ta Hospitality Management Services (HMS) ku a sera algun MOU ku algun organisashon den área di turismo na Dubai.
Mi tabata testigu di e firmamentu di e siguiente MOUs:
MOU entre HMS di Kòrsou i The Emirates Academy of Hospitality Management i tambe ku International Centre for Culinary Arts – ICCA Dubai.
Emirates Academy of Hospitality Management ta ofresé edukashon pa sektor di turismo di Dubai, i speshalmente pa e grupo hotelero Jumeirah, kual ta proprietario di e prestigioso hotèl di 7 strea Burj Al Arab.
HMS huntu ku e instansha aki ta bai kolaborá pa ofresé edukashon i tambe oportunidat pa kore ‘stage’ na Dubai. ICCA ta ofresé preparashon riba tereno kulinario i nan tin un programa ku yama “From Zero to Hero”, kaminda den 3 luna di tempu nan ta siña un hende e arte kulinario pa e por haña un trabou den turismo.
HMS i ICA riba un termino kòrtiku ta bai ofresé programanan na Kòrsou pa subi e nivel i kalidat di nos hendenan den turismo.
Esaki sigur ta un logro ku nos tur por ta orguyoso di dje.