Minister Shalten Hato Desaprobashon di tiroteo na SDK.

Minister Hato manera hopi siudadano a tuma nota di e tiroteo ku a tuma lugá na un partido di futbòl di liga MCB segundo divishon.

No opstante ku e investigashon di kuerpo polisial den e kaso aki ta andando ainda minister Hato kier ekspresá su desaprobashon pa ku akto di violensia aki.

Ta algu insolito i repudiabel ku sentronan di rekreo kaminda hóbennan ta praktiká deporte ta bira blanko di tiroteo i/òf reglamentu di kuenta. Esaki ta inakseptabel na vèlt di deporte kaminda tin famianan i en espesial muchanan ta presensiá wega. Minister ta bai sinta mañan ku KPC i tambe Federashon di Futbòl Kòrsou pa asina garantisá seguridat di tantu hungadónan komo públiko ku ta asistí na weganan di futbòl.

Minister Hato ta ekstendé su mas sentido pésame ta bai na famianan di e viktima. Minister ke urgi pueblo di Kòrsou pa koperá ku e investigashon di kuerpo polisial pa asina por trese esnan kulpabel dilanti hustisia.