Minister Ruisandro Cijntje Un gran dia pa Kòrsou ya komo ku awe Allure of the Seas a bishitá Kòrsou pa promé biaha.
Minister Ruisandro Cijntje
Un gran dia pa Kòrsou ya komo ku awe Allure of the Seas a bishitá Kòrsou pa promé biaha. Allure of the Seas ta un Oasis Class ship di e kompania Royal Caribbean Cruise Line ku awe a trese mas ku 4500 turista pa nos isla.
Esaki ta algu hopi grandi pa Kòrsou ku un impakto ekonómiko direkto pa Kòrsou.
E bishitá di Allure of the Seas ta di gran importansia pa Kòrsou i nos ta hopi orguyoso di tur persona ku a yuda hasi esaki posibel.
Awe nos a asistí na e seremonia inougural riba e barku krusero i a risibí un rekorido di e barku i tur lokual e ta ofresé na turistanan.
Entre awor i yüli 2022, nos por spera Allure of the Seas 6 biaha mas den nos bahia.
Tur e esfuersonan aki ta yuda engrandesé e lasonan estrecho ku nos ta trahando ku Royal Caribbean Cruise Lines.
Pabien Kòrsou ku e gran logro aki. Nos sentro di suidat a lusí awe un bes mas ku hopi turista.
