Nos idioma ta nos identidat

 

Nos idioma ta nos identidat

 

Den kuadro di nos identidat komo yunan di Kòrsou, Trabou Pa Kòrsou TPK a manda un karta pa tantu Minister di Maneho di Gobernashon, Planifikashon i Servisio Públiko komo Minister di Hustisia ku puntonan ku ta di sumo importansia.

 

Trabou Pa Kòrsou TPK kier sa por ehèmpel kon bin no tin e opshon pa skohe e karta di bon kondukta na papiamentu. Tambe TPK kier sa si e Ministernan konserní ta na altura di entre otro kuantu diferente lenguahe papiamentu ta konsistí di dje, si nan ta na altura ku tin kursonan ‘online’ di papiamentu i si nan ta na altura ku tin buki di palabra pa tradusí di otro lenguahe pa papiamentu.

 

E punto prinsipal ta ku TPK kier sa si gobièrnu ta balorá nos idioma papiamentu i nos identidat komo yunan di Kòrsou. Paso no por ta posibel ku den 2022 ainda no tin un dokumentu di bon kondukta na nos propio idioma. TPK ta keda en espera di un kontesta di parti di e Ministernan en kestion.

This site uses Akismet to reduce spam. Learn how your comment data is processed.

%d bloggers like this: