MINISTERIO DI GMN KU DOS ATVERTENSHA PA SIERTO PRODUKTO DI BÈLGIKA I HULANDA

 

MINISTERIO KONSERNÍ SALUBRIDAT PÚBLIKO, MEDIO AMBIENTE I NATURALESA

 

MINISTERIO DI GMN KU DOS ATVERTENSHA PA SIERTO PRODUKTO DI BÈLGIKA I HULANDA

PUBLIKÁ RIBA 09 MEI 2022

WILLEMSTAD – Ministerio di Salubridat Públiko, Medio Ambiente i Naturalesa ta pidi komunidat di Kòrsou pa tuma bon nota di e siguiente dos (2) atvertenshanan akí.

Atvertensha # 1
Tópiko: Na Bèlgika a konstatá ku sierto chukulatinan destiná pa mucha ta kontené e bakteria di Salmonella Typhimurium.

E kompania KINDER Italiano ku ta situá den e siudat di Arlon na Bèlgika na Oropa na kuminsamentu di e aña akí a registrá e promé kaso di e malesa salmonelosis na Inglatera kousá pa chukulatinan ku a keda produsí na e planta di Arlon. Salmonella Typhimurium ta un bakteria ku por ta peligroso i ku una bes e bakteria drenta den bo kurpa e por kousa diarea, walmentu di stoma, kayent’i kurpa i sakamentu. Ta trata aki di chukulati empaketá pa mucha ku ta di e siguiente fechanan di vensementu (por fabor wak lista). Ministerio di GMN ta atvertí pa no kumpra ni tampoko kome niun tipo di e produktonan akí.

Lista:

Best Before Date: 15-04-2022
Best Before Date: 22-04-2022
Best Before Date: 29-04-2022
Best Before Date: 21-08-2022
Best Before Date: 13-09-2022
Best Before Date: 15-04-202
Best Before Date: 22-04-2022
Best Before Date: 21-08-2022
Best Before Date: 13-09-2022

Entretantu inspektornan di GMN ta bishitando establesimentunan di benta i si dado kaso topa ku e produktonan akí ta ordená pa stòp inmediato ku benta di esakinan. Dado kaso bo tin e produktonan akí tòg wardá na kas, no usa esakinan.

Atvertensha # 2
Tópiko: E servisio di kontrol di kuminda (Nederlandse Waren Autoriteit) na Hulanda a laga saka for di sirkulashon diferente produkto ku ta kontené ‘hoemoes’ ku tin e bakteria Listeria monocytogenes.

Ta trata aki di diferente produkto di ‘Hoemoes’ ku posiblemente tin e bakteria Listeria monocytogenes. Hoemoes ta kos di kome trahá di bonchi mulá.

Listeria monocytogenes ta un bakteria ku por ta peligroso speshal pa hende di edat, hende muhénan embarasá i tambe mucha. Listeria monocytogenes ta un bakteria ku por ta peligroso i una bes e drenta kurpa e por kousa diarea, walmentu di stoma, kayent’i kurpa, doló di múskulo i sakamentu.

Ta trata aki di e siguiente produktonan:
• Esfenaj 200 gram ku fecha di vensementu 19-03-2022 i kódigo 8714779003897
• Hoemoes less salt 200 gram ku fecha di vensementu 28-03-2022 i kódigo
8714779004498

Ministerio di GMN ta atvertí pa no kumpra ni tampoko kome e produktonan ariba indiká. Entretantu e inspektornan di GMN ta bishitando establesimentunan i lo ordená pa stòp inmediatamente ku benta di esakinan. Dado kaso ku bo tin e produktonan akí tòg wardá na kas, no usa esakinan.

Danki pa e koperashon pa asina nos mantené nos pueblo salú.

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: