Análisis di krimenan di impakto haltu.

 

KOMUNIKADO DI PRENSA 239 /2022
11 mei 2022
Análisis di krimenan di impakto haltu.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Krímennan di impakto haltu durante di e periodo di 2 pa 8 di mei 2022 a duna e siguiente
resultado.
Atrako
Tabatin un (1) kaso di atrako. E atrako a tuma lugá dia 2 di mei alrededor di 08.00’or na
Seru Pretu bij Jan Luis riba kaya, kaminda 4 hòmber ku arma di kandela den un Vitz pretu, a
atraká un dama.
Ladronisia di vehíkulo
Den e periodo aki polis no a registrá ningun ladronisia di outo.

Kiebro den kas
Polis a registrá dieskuater (14) kiebro den kas. Mayoría di e kiebronan aki a tuma lugá riba
djaweps entre 10.00’or i 16.00’or i malechornan a penetrá dor di kibra òf fòrsa porta di
porta patras òf di kushina.
E kiebronan aki a tuma lugá na e.o. Zorgvliet bij Westpunt, Tera Pretu, Seru Lora,
Scherpenheuvel, Ronde Klip, Fleur de Marie, Dokterstuin i Bou Barber.
Kiebro den negoshi
A konfirmá 10 kiebro den negoshi i mayoria a tuma lugá riba djaluna, djamars i djaweps
entre 02.00’or i 04.00’or.
Malechornan a penetrá den e edifísionan dor baha via di dak òf kibra hèkwerk.
E áreanan na unda e kiebronan aki a tuma lugá tabata e.o. Skol na Pater Eeuwensweg,
Sentro di Bario na Otrobanda, Winston Churchillweg, Schottegatweg-Oost, Ballpark na
Kaminda Hensley Meulens Plaza Nobo na De Ruyterkade.
Kiebro den outo
Tabatin tres (3) kiebro den outo, ku a tuma lugá riba djamars, djaweps i djadumingu entre
03.00’or i 06.30’or i entre 20.00’or i 21.00’or.
E método ku mas e malechornan a usa tabata sea kibra e bentana na man robes parti
patras.
E sítionan na unda a kibra den outo tabata Zorg en Dal, Kanga i Bapor Kibrá.
Violensia relashonal
Polis mester a atendé sinku (5) kaso di violensia relashonal, di kua mayoria a tuma lugá riba
djadumingu.
Mayoría di e kasonan aki a tuma lugá entre 21.00’or i 22.00’or.
Den un di e kasonan aki, e hòmber a trata na kima e dama.
E kasonan di violensia relashonal a tuma luga na Muizenberg, Marchena, Kirindongo Abou i
Brakkeput.

Share this page to Telegram

This site uses Akismet to reduce spam. Learn how your comment data is processed.

%d bloggers like this: