PROMÉ MINISTER GILMAR PISAS A SKUCHA studiaNtenan di UCIMED NA COSTA RICA.

Willemstad – Promé Minister Gilmar Pisas a sera konosí i interkambiá ku e direktiva di UCIMED (Universidat di Siensia Médiko) i algun di studiantenan di Kòrsou ku ta bayendo e universidat aki dia 9 di mei 2022 na Costa Rica.

 

Promé Minister sr. Pisas durante di su bishita na UCIMED a risibí bastante informashon serka e direktva di UCIMED i tambe a haña oportunidat pa skuch algun di e studiantenan ku ta bishitá e universidat aki.

E miembronan di e direktiva ku tabata presente ta Dr. Pablo Guzmán Stein (Rektor), Dra. Ma. del Carmen García G. (Vise Rektor Akadémiko) i Dr. José Sprok Tromp (Dekano Fakultat di Medisina).

 

Despues di kombeesá ku e direktiva, Promé Minister sr. Pisas a sinta i dialogá ku e studiantenan di Kòrsou ku tabata presente.

Tabatin hopi punto di preokupashon ku a bini dilanti i ku tin mester di atenshon ku urgensia di parti di Gobièrnu di Kòrsou, SSC i e Universidat mes.

 

Promé Minister sr. Pisas a invitá e Rektor Dr. Pablo Guzmán Stein pa e join i skucha kiko ta e preokupashon ku ta biba serka e studiantenan pa ku sierto parti di maneho di e universidat i e Rekto Dr. Pablo Guzmán Stein a bisa ku e lo bai studia i pone atenhon na e situashon.

 

Promé Minister sr. Pisas a keda hopi sorprendí di tur loke e la tende i a bisa e studiantenan ku di su banda e lo bai duna atenshon sigur na e situashon hopi preokupante ku nos studiantenan ta eksperensiando na Costa Rica.