Gobièrnu di Kòrsou ta partisipá ku e tarifa usuario final pa e produktonan Mogas 95 i Gasoil LSD entrante 13 di mei 2022 lo keda kambiá.

Pa medio di e publikashon akí Gobièrnu di Kòrsou ta partisipá ku e tarifa usuario final pa e produktonan Mogas 95 i Gasoil
LSD entrante 13 di mei 2022 lo keda kambiá. E tarifa usuario final pa e produktonan LPG 100 lbs i LPG 20 lbs no ta kambiá.
Teniendo kuenta ku e fluktuashonnan frekuente riba e preisnan di petroli internashonal, gobi èrnu ta sinti su mes obligá pa
nesesariamente hasi e siguiente:
1. adaptashon mensual di e tarifanan di usuario final, i
2. publikashon di e tarifanan di usuario final aktual i nobo pa produkto

Aklarashon
E tarifa usuario final pa Mogas 95 i Gasoil LSD ta baha komo konsekuensha di e medidanan di impuesto temporal ku ta
intenshoná pa mitigá e tarifanan di kombustibel aktual. Ta trata di un redukshon di akseins riba Mogas 95 di 41,34 sèn pa
31,07 sèn pa liter i un deskuento di e 6% di O.B. riba preis di komèrsio por mayor pa Mogas 95 ku e 6% di O.B. riba preis di
komèrsio por menor. Pa Gasoil LSD ta papia di un dispensashon di e 6% di O.B. riba tantu preis di komèrsio por mayor
komo pa komèrsio por menor.