PROMÉ MINISTER GILMAR PISAS A REUNÍ KU EMBAHADOR DI REINO NA CARACAS, SR. SCHUDDEBOOM
Willemstad – Promé Minister Gilmar Pisas a reuní ku embahador di Reino na Caracas, sr. Schuddeboom dia 5 di mei 2022.
Embahador Schuddeboom tabata) na Kòrsou pa un bishita di trabou.
Durante di e reunion ku Promé Minister sr. Pisas a elaborá riba diferente punto tokante Venezuela, entre otro e ùltimo informashonan tokante e negosashonan ku Venezuela tokante habrimentu di frontera bèk dor di Venezuela na un manera “gefaseerd” i kontrolá.
Ademas a papia tokante e situashon na Venezuela na e momento aki, manera e parti ekonómiko, sosial i polítiko.
Promé Minister sr. Pisas por a komprondé di parti sr. Schuddeboom ku ekonomia ta kresiendo na Venezuela, tin mas entrada, ta parse ku ménos hende ta saliendo i tin ku ke regresá kas bèk i ta mira posibilidat pa habri frontera pa Kòrsou.
E kombersashon a bai den un ambiente hopi positivo.