Curaçao Little League Distrito di Caguas ku ta keda Ost-Sentral di Puerto Rico ta konosí komo un di e distritonan mas fuerte den Baseball Little League na Puerto Rico.

Despues ku 5 aña pasa e Pais a ser asotá pa e orkan Maria, kaminda hopi di e instalashonnan, e parkenan deportivo, a keda distruí, e distrito aki su aktividatnan a baha konsiderablemente.
Pa e Torneo di Junior League ku lo tuma lugá di 8 pa 17 di yüli awó, Parque de Villa Blanca, na Caguas lo ta ofisialmente bek den uso. Esaki despues ku trabounan di rekonstrukshon grandi a tuma lugá. Nan a konstruí “warning track”, espasio pa pichernan kalentá i tereno lizu sin buraku.
Esnan ku a traha riba e proyekto aki ta konsiderá e resultado komo un milager.