Partido MAN ta tene su di 35 Kongreso Statutario 2020 ku lo tin komo lema: “Kòrsou huntu i progresando”
Djasabra 4 di yüni 2022, Partido MAN lo tene su di 35 Kongreso Statutario, ku lo tuma lugá den sala de
evento di Fundashon Pro Bista, na Corrieweg. Kada dos aña MAN ta tene su kongreso statutario, durante
kua miembronan ta trata temanan stipulá den statutonan di partido i ta eligí miembronan pa un
direktiva i e komishonnan statutario di partido pa e periodo statutario nobo, ku den e kaso aki ta di 2022
pa 2024. Preparashon di e kongreso tatabta na enkargo di un “Tim di Organisahon”, konsistiendo di 5
miembro di MAN, bou di kordinashon di e hoben Eugène Valpoort. Despues di ratifikashon di e
kondishonnan organisatorio pa e Kongreso den reunion di Konseho di Partido, direktiva a aprobá
proseduranan, dokumentonan relevante i e “Programa di Dia”. E Kongreso lo desaroyá entre 8:30 pa
17:00 i e “Programa di Dia” pa e Kongreso ta siguiente:
1. Apertura, ku himno di Kòrsou i palabranan di bonbiní.
2. Charla tokante e lema di Kongreso, ku lo ta na enkargo di Dr. Francis de Lannooy (UOC)
3. Instalashon di Presidio di Kongreso; presentashon di relatonan di: Direktiva, Tesorero,
Komishon Finansiero, Lider di Frakshon i Komishon di Hobennan (HAM).
4. Elekshon di Direktiva di MAN i Komishonnan Statutario pa periodo 2022 – 2024
5. Tratamentu di Resolushonnan i Klousura
6. 16:15 – 16:45 lo tin un Rueda di Prensa ku presentashon di e Direktiva ku a keda eligí.
Liderasgo Polítiko di Partido MAN
Partido MAN ta hasi uzo di e oportunidat aki, pa refutá e informashonnan inkorekto ku a keda tresé den
publisidat relashoná ku supuesto intenshonnan pa bini ku un kambio di Lider Polítiko den MAN. Di mes
manera MAN ta refutá insinuashonnan den sentido ku miembronan prominente di MAN lo ta aspirá pa
trese kambio den Liderasko Polítiko di MAN. E alegashonnan ei NO tin ningun base di bèrdat. MAN ta
enfatisá alabes, ku durante e Kongreso ku ta tuma lugá djasbra próksimo, Liderasgo Polítiko di MAN NO
ta riba agènda. Esaki simpelmente pa motibu ku den seno di partido MAN, e funshon ei NO ta na
diskushon.
Partido MAN ta bai su di 35 Kongreso, ku konvikshon firme pa kontinuá ku e trayekto di
implementashon di rekomendashonnan pa fortifiká I elevá su organisashon polítiko, pa por sigui sirbi
Pueblo di Kòrsou di forma digno, manera a sosodé durante e 51 aña di MAN su eksistensia.
__________________________ ________________________
Yves Payo Schoop Roland Ignacio
Presidente Sekretario General
