google.com, pub-5639114718427035, DIRECT, f08c47fec0942fa0

Minister Maduro ta felicita tur graduado di e estudio Teologia Fundamental brinda pa Instituto Teologico para Estudios Religioso y Centro Pastoral Aruba

ORANJESTAD – Diahuebs anochi Minister Maduro tabata presente na e acto di graduacion di un grupo grandi cu a gradua pa e estudio di Teologia Fundamental brinda pa ITER, Instituto Teologico para Estudios Religiosos di Caracas. E estudio a cuminsa na aña 2019 y a wordo duna pa profesornan di ITER cu tabata biaha bin Aruba pa facilita e estudio na Centro Pastoral Aruba.

 

Pa e bunita ocasion Minister Maduro a hiba palabra pa felicita e grupo grandi di maestro y otro persona den comunidad cu a sigui e estudio cu exito. Hende no ta biba di awa, cuminda y aire so. Nos spirito tambe mester wordo alimenta desde chikito cu e palabra di Dios pa asina nos por ta fuerte pa enfrenta e retonan cu bida ta trece cun’e na un manera exitoso. Awor un grupo grandi di maestro y persona den nos comunidad a ricibi e formacion necesario pa hiba e palabra y enseñansa di Dios pa fortalese e spirito di nos comunidad.

 

Minister Maduro ta felicita tur graduado cu e bunita logro y ta gradici Centro Pastoral Aruba y tur profesor di ITER pa e bunita estudio di Teologia Fundamental.

Share this page to Telegram

This site uses Akismet to reduce spam. Learn how your comment data is processed.

%d bloggers like this: