Adaptashon di maneho pa bishitantenan na SDKK

WILLEMSTAD- Gerensia di prizòn ta informá ku den luna di yüni 2022 a hasi algun adaptashon na e maneho di bishita, esaki den deliberashon ku Ministerio di Hustisia i GMN.

Den kuadro di eliminashon di medidanan ku gobièrnu di Kòrsou a tuma, Gerensia di prizòn ta partisipá lo siguiente:

• Tur detenido por risibí 4 persona pa bishita, esta 3 mayor di edat ku un menor di edat ku por sinta riba pia òf persona nan outorisá pa drenta ku e menor òf 3 menor di edat ku 1 mayor di edat òf tambe 2 mayor di edat ku 2 menor di edat unu mester por sinta riba pia.
• Nos ta mantené “Tapa Boka” te próksimo aviso.
• Tur bishitantenan mester presentá ku identifikashon válido,
• Reglanan di vestuario ( no ta permití slòf na pia, karson/saya kòrtiku ni jeans modèl kibra kibra, ni kamisa/blusa manga aden).
• Tur bishitante mester ta 15 minüt promé ku nan bishita.
• Tur bishitantenan mester sigui instrukshon i òrdu di e personal di seguridat.

Bishitanan virtual tambe lo kontinuá te ku próksimo aviso. Pa mas informashon por yama nos departamento di bishita na 4348428 òf 434-8455

Gerensia di SDKK ta konta ku bon komportashon di nos bishitantenan i ta enfatisá na tur bishitantenan pa sigui tur instrukshon indiká pa e personal di prizòn debidamente.