TRAHA SITA ADELANTÁ PA RENOBÁ DOKUMENTO DI IDENTIFIKASHON

MINISTERIO KONSERNÍ MANEHO DI GOBERNASHON, PLANIFIKASHON I SERVISIO PÚBLIK

PUBLIKÁ RIBA 14 YÜNI 2022

Willemstad – Departamentu pa Asuntunan Públiko (Kranshi) ta hasi un suplika na tur siudadano ku tin sea un reibeweis, sédula òf pasport hulandes, pa kontrolá balides di e dokumentonan aki. Espesialmente awor ku periodo di vakashon ta yega òf pa esnan ku ta bai studia afó. Ta importante pa kontrolá trempan si tur dokumento di identifikashon ta na òrdu.

Si bo tin planiá pa bai kondusí un vehíkulo pafó di Kòrsou, bo reibeweis mester ta bálido. Meskos ta konta pa e hóbennan ku ta bai studia den eksterior i ke saka nan reibeweis. Tene na kuenta ku mester plania adelantá pa pasa por èksamen ku éksito.

Gobièrnunan di e islanan hulandes Karibense a inisia un proyekto piloto pa esnan ku nashonalidat Hulandes por hasi uzo di nan sédula pa biaha entre e islanan Boneiru, St. Maarten, St. Eustatius, Saba i Kòrsou. Ainda no por biaha pa Aruba ku sédula.

Un pasport, den mayoria kaso, mester tin mas ku 6 luna di balides pa bo por biaha kuné. Si a kaso e fecha di vense ta serka, tuma akshon mésora i laga renobá bo pasport.

Pa evitá ku mester warda demasiado pa renobá bo dokumento, ta hasi un apelashon pa traha un sita delantá pa renobá esaki. Nos lo sigui hasi nos esfuerso pa sirbi nos siudadanonan  mas mihó posibel.

This site uses Akismet to reduce spam. Learn how your comment data is processed.

%d bloggers like this: