Minister Xiomara Maduro ta informa: Archivo Nacional Aruba a ricibi material historico di varios famia durante nan Open Dag, diasabra ultimo

 

Oranjestad – Diasabra 11 di juni Archivo Nacional Aruba (ANA) a habri su portanan pa publico den cuadro di e campaña 3C-TRECE; esta Colecta, Conoce y Conserva nos historia.

 

Riba e dia aki ANA a haya diferente contribucion/donacion di materialnan historico.  ANA y Minister Xiomara Maduro ta gradici famia Odor, Tromp, Wiersma, Giel y sra. Ras y sra Dijkhoff cu a contribui cu materialnan historico. Alabes Archivo Nacional y Minister Xiomara Maduro ta gradici SAC y famia Genser cu dia 9 di juni a traspasa nan materialnan historico na ANA, mustrando e confiansa den ANA pa cuida y conserva esakinan. Di e manera aki e materialnan ta bira parti di nos Herencia Cultural Nacional.

E campaña di 3C lo tin un duracion di 5 siman mas, unda Pueblo di Aruba por yega na Archivo Nacional Aruba pa trece materialnan historico pa asina nan wordo warda y cuida y poni accesibel pa pueblo en general.

Archivo Nacional y Minister di Finansa y Cultura ta recorda cu e exposicion “Aruba den machin di tempo” ta habri pa publico durante vakantie grandi, unda cu nos hobennan por pasa ANA pa mira e exposicion aki. Gruponan di camp cu ta interesa pa bishita ANA por contact ANA na 583-4880 y asina haci un palabracion pa loke ta dia y ora di bishita.

 

This site uses Akismet to reduce spam. Learn how your comment data is processed.

%d bloggers like this: