PROMÉ MINISTER GILMAR PISAS SU PARTISIPASHON NA  E DI DOS DIA DI E KONFERENSIA DI AICE 2022 NA JAMAICA

 

Willemstad – Promé Minister Gilmar Pisas tabatin diferente reunion i alabes e tabata un di e oradonan prinsipal na e konferensia di AICE 2022 dia 14 di yuni 2022.

 

E dia a habri kaminda Promé Minister sr. Pisas a hiba su promé diskurso na e seremonia di apertura.

Tabatin diferente otro oradó manera e.o. Promé Minister di Jamaica sr. Andrew Holness, Minister of Industry, Investment and Commerce di Jamaica sr. Aubyn Hill i su ekselensia Dr. Mohammed Al-Zarooni (Chairman of World Free Zones Organisation na Dubai).

Na final a entregá un regalito na Promé Minister sr. Pisas komo muestra di apresio pa ku su partisipashon na e konferensia.

 

Dia 15 di yüni 2022 Promé Minister lo bolbe hiba un diskurso na e Regional Ministers of Tourism Summit 2022. 

 

Promé Minister sr. Pisas a sigui ku un reunion ku e Minister of Industry, Investment and Commerce di Jamaica sr. Aubyn Hill.

Durante di e reunion aki a toka diferente punto di interes di kual unu tabata e parti di Duana.

Jamaica a traha riba un lei nobo i esey a yuda nan den kresementu, debí ku nan por tin BPO’s, kual ta servisionan den diferente àrea. Un otro punto interesante ku a bini dilanti ta esun di “capacity building” di e personal. 

Duana tin e ròl di kòntròl sinembargo tin di konsientisá i promové i parti pa ku di dikon Duana tei i di ki forma e ta kontribuí na atraé mas invershon.

Importante ta pa nos krea leinan mas moderno ku por brinda mas posibilidat pa atraé mas invershon, semper den e linea di “international regulations”.

 

Promé Minister sr. Pisas a sigui ku su di dos reunion kual tabata ku su ekselensia 

Dr. Mohammed Al-Zarooni (Chairman of World Free Zones Organisation na Dubai).

 

Komo presidente di WFZO su ekselensia Dr. Alzarooni ta habrí pa yuda Kòrsou ku por ehèmpel training i preparashon di personal den diferente sektor. 

Dr. Alzarooni a enfatizá ku nunka nos no mester pèrdè nos atenshon pa nos staf i personal. 

E la splika ku pa por atraé mas invershonista e personal mester ta motivá pa esaki. 

Tambe e la indiká ku e focus mester ta semper riba e meta final i alkansá esaki ku determinashon. 

E importansha di e “special economic zones” a resaltá i awor aki ta e mihó añanan pa alkansá mas inversion i establisimentu.

Dr. Martin Ibarra, ku tambe tabata presente den e reunion aki, ta den liñea ku e puntonan deskribí durante e konferensha AICE 2022.

 

Promé Minister a sigui ku su di tres reunion kual tabata ku sr. Zan (Director for Investment and Development; UNCTAD).

UNCTAD ta disponibel pa na momento ku Kòrsou tin un proposishon di lei más moderno pa ku speshal e parti di “economic zones”, UNCTAD por revisá i konsehá nos riba esaki.

Tambe sr. Zhan a indiká ku tin otro áreanan ku nan por duna servisio tambe riba dje, basá riba e maraviyanan ku Kòrsou ta ofresé.  

 

Promé Minister sr. Pisas a bolbe duna atenshon na e delegashon di Kòrsou riba e dia aki.

 

Lo sigui un komunikado riba e di tres dia di Promé Minister sr. Pisas su partisipashon na e konferensia di AICE 2022 na Montego Bay, Jamaica.