Porto Kòrsou ta presenta Plaza Pòrto Korso, “un punto di referensha” pa Kòrsou
Kòrsou, 14 di juni 2022
Imaginabu. Imaginabu ku bo por keiru, kore baiskel y rolschaats riba un paseo berde den haf di
Kórsou.
Imaginabu ku bo ta den un boto ta keiru den bahia di Santa Anna, pasando banda di Handelskade, y
un diripiente bo ta mira un edifisio manera unu for di un kuenta di hadas kaminda bo por mara bo
boto, baha hasi kompras, kome algu o sinta un ratu riba un terasa kaminda bo por disfruta di un bista
riba e haf, e yatenan, Julianabrug y Fort Nassau.
Imaginabu ku e edifisio enkantador aki bira un “punto di referensha” manera Sydney Opera House,
kaminda bishitantenan ta bini pa disfruta di teatro y konsiertonan.
Imaginabu ku negoshinan tin nan ofisina aki nan, kaminda Yu di Kòrsounan ta labora ku un bista riba e
haf y nan isla. Imaginabu ku tin hende ta biba ey banda y ku tin muchanan ku ta bai skol o hunga den
un de e parke berdenan.
Imaginabu ku e edifisio aki ta kompletamente duradero y ta genera mas energia ku e ta huza paso e
fachada ta genera energia y ta optimalisa pa lus di solo, sombra, ventilashon, bista y privasidad.
Imaginabu ku e edifisio aki ta konstruí for di materianan innovativo produsi lokalmente for di
fuentenan renoba y desperdisio di e isla y laman.
Imaginabu ku e yatenan tin nan luga di mara figo den e parti de e haf y ku e yatenan aki ta wordu
mantene dor di profesionalnan lokal.
Imaginabu ku rondo di e edifisio lo lanta un kombinashon di bida urbano, haf di yate y industrianan
duradero manera biokimika, bio-energia, produkshon hidrogeno, luga di proseso di peska, agrikultura
inovativo y mantementu di barkunan.
Imaginabu ku e industria duraderonan aki no ta dañino pa medio ambiente, naturalesa y salud di
hende.
Imaginabu ku dor di desaroyonan aki e ekonomia y kuponan di trabou di Kórsou lo fortalese y bira
mas resistente kontra dasaroyanan inespera.
Imaginabu ku tur e kosnan aki por ta posibel y ku nos por finansa e proyecto. Pakiko no hasié?
Esey ta e pregunta ku inishadornan di Porto Kòrsou ta hasi nan mes pa años kaba.
Pa e motibu ey Porto Kòrsou a desaroya un plan. Pa duna e plan aki un body, Porto Kòrsou den
koloborashon ku JHK Architecten di Utrecht a desaroya un vishon pa un “punto di referensha” na
Kòrsou na kantu di awa riba e aktual tereno de refineria Isla.
Plaza Porto Kòrsou
E “punto di refensha”aki ta inspira riba e marshe sentro di enkuentro Plaza Nobo na Kòrsou. E
konstrushon di e daknan de e tres torennan tin en mes un tipologia y konstrukshon ku Plaza Nobo. E
edifisio lo ta un sentro de enkuentro pa hopi hende y lo tin multiple funshonnan.
E edifisio no tin un dilanti o un patras. E ta un forma simmetriko.
Tur kambio ta kuminsa ku un prome paso. E edifisio monumental aki lo a e prome paso riba e
kaminda pa un futuro duradero. E ta pa pone hende kumisa pensa y diskuta riba e futuro di e haf de
Kòrsou. Dor di partisipashon sosial, kreatividat y konosementu, e vishon lo bira miho.
Durf di soña y korda ku tur kambio ta kumisa ku un vishon.
Porto Kòrsou
Porto Kòrsou ta un asosashon di desaroyo eksistente. Porto Kòrsou tin komo meta pa mehora e
bienestar di Kòrsou dor di desaroya aktividatnan duradero y ekonomikamente fuerte. E aktividatnan
aki lo genera kuponan di trabou nobo, kresementu di ekonomia y alsamentu di entradanan di pais.
Porto Kòrsou tin un netwerk ekstenso di empresanan ku ke hasi negoshi y inverti den Kòrsou. Entre
otro, realisashon di un sentro di resiklage, un fabrika di waste-to-energy y desaroya di un haf di yate.
E haf di Kòrsou ta hundu, for di e zona di orkan y e haf perfekto pa yatenan grandi. Un yate grandi ta
bon pa por lo menos 40 kupo di trabou.
“Nos ta juda hende haña trabou, duna nan un meta den bida y un ingreso figo. Ta pa e motibu ey nos
ta hasi e kos aki!”, sigun Orlando Meules, co-fundador di Porto Kòrsou.
Porto Kòrsou tin su raisnan na Kòrsou y na Hulanda. Porto Kòrsou ta traha huntu ku spesialistanan
internashonal riba e tereno di desaroyonan urbano duradero y ekonomiko.
Gerentenan di Porto Kòrsou – Orlando Meulens, Ronald van Sluisveld, Marc Arnold y Sven Rusticus