Minister Pietersz- Janga ta risibí bishita di Minister di Salubridat di St. Maarten
Willemstad – Resientemente Minister di Salubridat, Medio Ambiente i Naturalesa drs. Dorothy Pietersz- Janga a risibí bishita di Minister di Salubridat Públiko, Desaroyo Sosial i Labor di Sint Maarten Minister Omar Ottley. Despues di un rekorido den CMC, Minister Ottley a reuní ku Minister Pietersz- Janga i Inspektor General prof. Sirving Keli na ofisina prinsipal di Ministerio di GMN. Nan a papia entre otro tokante e lei BIG kual ta regardá profeshonnan den sektor di salubridat pero tambe otro tópikonan relashoná ku kuido ku ta regardá e dos paisnan.