google.com, pub-5639114718427035, DIRECT, f08c47fec0942fa0

SIMPOSIO: “UN KARNAVAL DURADERO I SOSTENIBEL”

MINISTERIO KONSERNÍ ENSEÑANSA, SIENSIA, KULTURA & DEPORTE

 

PUBLIKÁ RIBA 20 YÜNI 2022

Simpisio relashoná ku organisashon i selebrashon di Karnaval pa yega na un plan duradero i sostenibel

WILLEMSTAD- Minister di Enseñansa, Siensia, Kultura i Deporte (ESKD) Sr. Sithree van Heydoorn ta partisipá na Pueblo di Kòrsou ku promé ku e skohe un organisashon ku ta bai organisá Karnaval pa aña 2023 i tuma un desishon riba esaki, ta tene un konsulta riba diferente punto ku ta trata organisashon di Karnaval den un simposio. E título di e simposio ta, “Un Karnaval Duradero i Sostenibel pa Kòrsou”.

Den e simposio akí ta dialogá riba diferente punto importante manera ruta pa e marcha, kostonan rondó di esaki, ken tin ku keda enkargá ku kua parti, imbolbimentu di sektor privá. Tambe e aspekto pa krea un vishon pa salbaguardiá kontinuidat di nos fiesta nashonal pa esaki keda un aktividat duradero i sostenibel ku ta konta ku sosten di tur grupo di interes. E simposio ta planiá pa tuma lugá den e fin di siman di 14 pa 16 di yüli 2022.

Karnaval tin impakto riba diferente área di maneho manera entre otro kultura, edukashon, ekonomia, salú físiko, salú mental, seguridat i turismo i komo e titular enkargá Minister di ESKD, Sr. Sithree van Heydoorn mester perkurá pa bini ku un plan di maneho pa sinku (5) aña pa desaroyá un strategia di kresementu inovativo pa Karnaval. Minister su deseo ta pa fiha un rumbo den kua partídonan por haña nan mes den esaki, kaminda ta yuda karga e desaroyo akí huntu ku Gobièrnu di Kòrsou.

Puntonan ku ta bini dilanti ta keda prepará pa Sektor di Kultura i Deporte den konsulta ku diferente “Stakeholder”. Ta e intenshon pa diferente grupo di interes partisipá na e simposio akí, tantu esnan serka di tur e aktividatnan den kuadro di karnaval, ku ta e gruponan di interes primario, pero tambe esnan ku no nesesariamente tin direktamente di haber ku organisashon di karnaval pero si ta sinti su efekto di un òf otro forma.

Minister di ESKD ta tene Pueblo informá di e desaroyonan.

Sr. Sithree van Heydoorn

Minister di Enseñansa, Siensia, Kultura i Deporte

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: