google.com, pub-5639114718427035, DIRECT, f08c47fec0942fa0

Tópiko: publikashon relato di trabounan di Parlamento

Na: Presidente di Parlamento

Sra. C. America – Francisca

Wilheminaplein #4

Presente

 

Kòrsou, 20 yüni 2022

 

Tópiko: publikashon relato di trabounan di Parlamento

 

Apresiabel sra. America – Francisca,

 

Presidente di Parlamento sr. Millerson di felis memoria a introdusí un relato den kua e ta informá komunidat tokante e trabounan den Parlamento.

 

E relato tabata keda produsí, 4 biaha pa aña, kada kuartal. Den e relato Presidente di Parlamento tabata relatá e kantidat di reunionnan ku a keda yama, e biahenan ku a keda realisá i tambe e presensia di kada miembro di Parlamento na reunionnan.

 

E relato aki a trese un transparensia enorme, den e forma ku e Parlamento i kada miembro individual ta funshoná riba e terenonan ariba menshoná. No ta tur Parlamentario tabata apresiá esaki, pero e relato a keda ampliamente apresiá pa komunidat kompleto.

 

Suskrito a tuma nota ku for di 11 di mei 2021, e relato aki, no a keda emití mas. Esaki ta un echo lamentabel. I nos lo kier puntra sra. Presidente, si akaso lo nó saka e relato aki mas?

 

Nos por tuma nota di e konsternashon den komunidat pa ku biahenan di Parlamento i tambe presensia di diferente parlamentario na reunion. E relato aki lo por trese por medio di sifra, informashon konkreto ofer di esakinan. I krea asina aki e transparensia di banda di Parlamento.

 

Suskrito ta di opinion ku e inisiativa di  sr. Millerson di felis memoria, a alsa e nivel di funshonamentu di Parlamento i brinda nos komunidat un hèrmènt di kontrol mas. Pa e puntonan ariba menshoná a skohe pa manda e karta aki pa sra. Presidente, pa asina por haña un klaridat, pero mas ainda pa e komunidat por sa, sí nan lo por sigui haña informashon por medio di relato òf no.

 

Suskrito ta keda pendiente pa un kontesta di banda di sra. Presidente.

 

 

Danki di antemano,

 

 

 

 

Miembro di Parlamento, Partido Alternativa Real

Share this page to Telegram

This site uses Akismet to reduce spam. Learn how your comment data is processed.

%d bloggers like this: