“Cuanto vale el show”?

 

 

A bira kustumber di gabinete Pisas pa presentá henter un show riba Facebook i otro media, pa despues keda sin kumpli i tira falta riba otronan. Despues di a hunga ku emoshon di henter pueblo, awor ta turno na ámtenarnan i e falta ta wòrdu tirá riba sra Van Huffelen.

E realidat ta, ku ta Ministernan di e gabinete aki for di mart a show riba Facebook ku nan ta yegando na akuerdo pa eliminá 12.5%. Despues Minister di finansa a publiká ku sigur e ta paga 3% di vakantiegeld 2022, 6% na 2023 i ku ya e tin sèn kaba. “No hunga ku pas mental di e ámtenar” el a bisa!

Al final, despues di a pidi sosten di parlamento djabièrnè último, ta resultá “kuchi kuchi” ku ni esun, ni e otro. 12.5% a keda, no ta bai paga 3% vakantiegeld e aña aki, ni 6% otro aña i asta e lumpsum di ANG 1.750,- ta kologá na un hilu, paso e ta hasí “kon ku ta”. Esei ta e konklushon despues di a skucha Promé Minister Pisas ayera.

Al final, ta di antisipá ku ora keda sin kumpli, manera kustumber lo tira falta riba Gobernador òf Hulanda pa kulminá e “Show” i tapa falta di kapasidat.

Te ki dia nos lo sigui mira “Cuanto Vale el Show”?

 

 

insurance, gas, electricity, loans, mortgage, attorney, lawyer, donate, conference

This site uses Akismet to reduce spam. Learn how your comment data is processed.

%d bloggers like this: