Parlamentario Corine Ursula Djaoen Genaro Durante nos bishita na Chile nos a topa ku diferente parlamentario di latino america entre nan tambe parlamentarionan di Aruba, sra Darlaine Erasmus i Drs Marco Berlis, ambos di Partido MEP, kendenan tambe a bini pa partisipá na e renionnan di Parlatino.

Nos por a interkambiá riba diferente tema nan i areanan ku ta importante pa nos pais i nos ta kere ku esaki ta hopi importante paso asina nos un por sostené i fortifiká otro.
Sra Darlaine meskos ku mi persona, ta bini di e area sosial i ta haña e enkuentro aki hopi importante debí ku e tambe ta bezig ku algun leinan dirigí riba spesialmente hendenan ku desabilidat i na Chile tin leinan aktual.
Banda di temanan sentral tambe nos lo buska informashon kon e leinan aki ta wordu implementá na Chile.
Delegashon di St. Maarten tambe ta presente den persona di sr. Rolando Bryson i Sr. Sidharth Bijlani. St. Maarten tambe tin hopi interes i ta kontentu di por ta presente na Chile. Chile ta ser mirá komo un di e paisnan mas desaroyá pa loke ta trata agrikultura i peska. Meskos ku Kòrsou, St. Maarten tambe ta buskando e manera kon pa atende ku skarsedat di tereno, e parti sosial pero tambe ekonómiko pa ku e tópiko aki.
Share this page to Telegram

This site uses Akismet to reduce spam. Learn how your comment data is processed.

%d bloggers like this: