Minister di Desaroyo Ekonómiko, sr. Ruisandro Cijntje ta bishita konsul general di Reino Hulandes na Atlanta.

E promé dia di trabou na Atlanta minister Ruisandro Cijntje a kuminsá ku un bishita na e konsulado
di Reino Hulandes. Durante di e enkuentro aki e delegashon a risibí un presentashon serka konsul
general sr. Ard van der Vorst i tambe konsul general suplente sr. Laurens van Doeveren.
Un di e puntonan ku mas a resaltá ta e desaroyonan riba e area di agrikultura i e rol di hulanda den
esaki na merka.
Minister Ruisandro Cijntje a trese dilanti ku “food security” ta un punto sumamente importante pa
nos isla i ku Kòrsou tambe por benefisiá di e asistensia i kolaborashon di hulanda den esaki.
Tambe minister Cijntje a mustra konsul e importansia di inkluí nos peloteronan profeshonal den e
strategia di merkadeo ku nan tin den Estado Unidos.
Na final di e enkuentro Minister Cijntje huntu ku su delegashon a hasi entrega di un karchi di entrada
pa e wegadi Atlanta Braves kontra di LA Dodgers na e konsul general sr. van der Vorst.

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: