Minister Pietersz- Janga a reuní ku Parlamentario Pauletta tokante puntonan di sumo importansha pa komunidat

 


Willemstad – Resientemente Minister di Salubridat, Medio Ambiente i Naturalesa drs. Dorothy Pietersz- Janga a reuní ku Parlamentario señora Ana Maria Pauletta relashoná ku tópikonan di interés pa e Parlamentario pero tambe importante pa komunidat. Ta trata aki di tópikonan den kuadro di: situashon relashoná ku dòkter di wowo, yunan ku lamentablemente ta nase sin bida, Aña di Limpiesa, kasnan di kuido i akshonnan pa baha gastu den kuido. E kombersashon a bai den un esfera hopi ameno.

Durante e reunion aki tambe señora Ana Maria Pauletta a hasi uzo di e oportunidat pa hasi entrega ofisial na señora Minister di dokumentonan ku ta trata adaptashon di e deklarashon di ‘Nasementu Sin Bida’. Lo mester bai hasi un adaptashon pa asina yunan ku nase sin bida tambe por keda registrá ku un nòmber na kranshi. 


Riba potrèt, momentu ku Parlamentario señora Ana Maria Pauletta ta hasi entrega ofisial di dokumentonan relashoná ku adaptashon di deklarashon di ‘Nasementu Sin Bida’ na Minister Pietersz- Janga.

Share this page to Telegram

This site uses Akismet to reduce spam. Learn how your comment data is processed.

%d bloggers like this: