PARTISIPASHON DI FFK NA SIMAN OLĺMPIKO 2022 DI FDOK!

Den kuadro di e Siman Olímpiko 2022 organisá pa FDOK,  FFK tambe a partisipá dor di a organisá algun partido amistoso di 7 vs 7 i 11 vs 11 pa kategoria di U-15.

E partidonan aki a tuma lugá djasabra 30 di yüli último di mainta pa mèrdia den Stadion Rignaal ‘Jean’ Francisca. E torneo a konta ku partisipashon di Undeba i tambe nos selekshon U-14 ku ta preparando pa nan kompromisonan den luna di ougùstùs 2022 na Repúblika Dominikana.

E partidonan aki a kuminsá 10’or di mainta i a terminá alredor di 1’or di mèrdia ku entrega di premio na e ekiponan ku a partisipá. Den e partidonan di 7 vs 7 e selekshon U-14 A a sali na promé lugá, ganando di Undeba ku skor di 11-0 miéntras selekshon U-14 B a gana Undeba ku skor di 4-1. Despues a sigui ku e wega 11 vs 11, kaminda e selekshon di U-14 a sa di gana e ekipo di Undeba ku skor di 8-0 i asina sali kampion di e torneo.

Tur hungadó a gosa un bòl i a disfrutá di nan deporte preferí, futbòl, ku tambe a partisipá na e Siman Olímpiko di FDOK 2022.

 

This site uses Akismet to reduce spam. Learn how your comment data is processed.

%d bloggers like this: