πΎπ‘–π‘€π‘Žπ‘›π‘–π‘  πΎπ‘œΜ€π‘Ÿπ‘ π‘œπ‘’ 𝑖 π‘†β„Žπ‘œπ‘€ πΏπ‘Žπ‘‘π‘–π‘›π‘œ π‘‘π‘Ž π‘π‘Ÿπ‘’π‘ π‘’π‘›π‘‘π‘ŽΜ: π…πžπ«π§πšπ§ππ¨ β€œπ„π₯ πŒπšπ²π’π¦π›πžβ€ 𝐕𝐒π₯π₯𝐚π₯𝐨𝐧𝐚 𝐝𝐒𝐚 𝟏 𝐝𝐒 πŽΜ€π€π­π¨π›πžπ« 𝐝𝐞𝐧 𝐖𝐓𝐂

Total Care Institute
Kinderdagverblijf en Naschoolse Opvang & Activiteiten
* Gekwalificeerde groepsleidsters
* Uw baby vanaf 6 weekjes oud
* Gevarieerde educatieve activiteiten
* Maandelijkse thema’s
* Het hele jaar door geopend
Bel of stuur een whatsapp bericht naar het nummer 5123160 voor nadere informatie en inschrijving
Klik hier oom naar onze FaceBook te gaan:
https://www.facebook.com/profile.php?id=100045700818054
Durante di un konferensia di prensa e organisashon Show Latino a presentΓ‘ nan prΓ³ksimo proyekto. Show Latino ya ta bon konosΓ­ pa nan konsepto baliabel β€œFiesta Fina”, ku entre otro a yega di presentΓ‘ Grupo Extra i resientemente β€œEl Chaval de la Bachata” Γ‘mbos a resultΓ‘ eventonan sumamente grandi i eksitoso. E siguiente ta programΓ‘ pa djasabra 1 Γ’ktober 2022, i lo toka turno na un di artistanan di merengue ku renombre mundial, Fernando β€œEl MayΓ­mbe” Villalona ku su Orkesta for di RepΓΊblika Dominikana!
*ERA ketu bai selebrando 40 aΓ±a:*
Fernando Villalona lo ta na Kòrsou despues di mas ku 10 aña i lo presentÑ tur su éksitonan den un grandioso fiesta baliabel. WTC a wòrdu skohé komo esenario pa e fenomenal evento aki. Tambe lo tei, ERA ku ainda ta selebrando nan 40 aña den farÑndula i e tan gustÑ High Way Band. DJnan Argenis Huerta i Jose lo pèrkurÑ pa animashon riba e anochi aki. Despues ku algun dia atras a keda publikÑ riba plataformanan sosial ku Fernando Villalona ta rumbo pa Kòrsou, hopi ta esnan ku a kuminsÑ buska informashon, un indikashon klÑ ku e evento aki lo ta tremendísimo.
*Aliansa ku Kiwanis KΓ²rsou:*
Kiwanis Kòrsou ta bon konosí pa su proyektonan sosial riba nos isla i ta konsiderÑ e evento aki komo un tremendo oportunidat pa den kuadro di nan programa i proyektonan krea fondo di manera ku por inbertí bèk den nos komunidat. A yega na un akuerdo di koperashon entre Kiwanis Kòrsou i Show Latino pa uni forsa i realisÑ e grandioso evento aki dia 1 Òktober próksimo. Nan tambe ta forma parti di e tim organisatorio pa e fiesta baliabel ku Fernando Villalona!
*Benta di Karchi:*
Lo start ofisialmente djaluna 29 ougΓΉstΓΉs 2022 ku benta di karchi. WTC lo keda partΓ­ den tres (3) sekshon; VIP mesa, VIP Single i sekshon General. Karchinan pa e sekshonnan di General i VIP Single lo ta optenibel na e respektivo preisnan di Fls. 65,– i Fls. 125,– na Mensing, Tik Tak, Beep Beep, 24 UUR, La Fogata, Kiosko di BriyΓ¨chi na Mangusa Hyper i Nicolas Barbershop na Wishi. Pa kompra i reservashon di karchi pa e sekshon V.I.P. sintΓ‘ na mesa por yama e number 699 – 3671 pa mas informashon.
*Gimmick 27 ougΓΉstΓΉs 2022:*
Djasabra 27 di ougΓΉstΓΉs lo tin un β€œGimmick” fenomenal for di 10or di mainta te ku 2or di atardi na WTC ora ku pone un kantidat limitΓ‘ di karchinan General ku ta kosta normalmente Fls. 65,–, pero ΓΊnikamente riba e dia aki lo ta pa apΓ©nas Fls. 50,– VIP Single lo ta na e preis spesial di solamente Fls. 110,–. Pues un Ganganazo ku bo no por pΓ¨rdΓ¨, kΓ²rda si ku lo bende karchi miΓ©ntras tin na stΓ²k, esun ku bini promΓ© ta bebe awa limpi !!!
Share this page to Telegram

This site uses Akismet to reduce spam. Learn how your comment data is processed.

%d bloggers like this: