Minister di Deporte sr. Sithree van Heydoorn ta krea e oportunidat pa pueblo por mira nos selekshon di Little Leaugue den akshon na Band’ariba Mei-mei i Band’abou!

WILLEMSTAD – Kòrsou por ta Nos selekshon di Little League te na e momentonan akí
por mira atras riba un gran partisipashon na e torneo na Williamsport kaminda a eliminá
paisnan manera Canada, Mexico, Nicargua i Italia. E selekshon di Little League tin sinku
(5) wega gana i un (1) pèrdí. Djasabra awor nos selekshon lo tin un kompromiso mas
kontra Chinese Taipei pa 12:30 PM. pa sa ken ta konkistá e título di kampion
international. Den kaso ku nos selekshon gana e wega akí, diadumingu 28 ougùstes e
selekshon lo ta den e gran final pa sa ken ta bira kampeon mundial.
E logronan akí a lanta interes di pueblo henter. Gobièrnu di Kòrsou pa e motibu akí a
krea e oportunidat pa pueblo por wak e wega di djasabra na e siguiente sitionan; Sentro
di bario Montaña, Sentro di bario Brievengat, Sentro Multifunshonal na Fuik, Parke Himo
i Bandera Ruthilio “Rudy” Rooi na Barber i na P.W.F.C. Den kaso ku e tim pasa pa e wega
di djadumingo lo bolbe duna pueblo e oportunidat pa wak e weganan na e mesun
sitionan akí.
Minister di Enseñansa, Siensia, Kultura i Deporte sr. Sithree van Heydoorn ta deseá nos
selekshon di Little League tur klase di éksito i ta pidi pueblo pa sigui stimulá i sostené
nos muchanan.
Kòrsou ta grandi!