Polis ku wardakosta lo sigui den koperashon pa kontra-aresta entrada di indokumentadonan

KOMUNIKADO DI PRENSA 417 /2022
5 sèptèmber 2022
Polis ku wardakosta lo sigui den koperashon pa kontra-aresta entrada di
indokumentadonan
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Relashoná ku e intersepshon ayera djadumingu 4 di sèptèmber 2022 di e boto riba kua
personal di Wardakosta a bin topa 31 persona indokumentá, personal di Imigrashon di
Kuerpo Polisial Kòrsou a tuma e personanan aki over i kontinuá ku e proseso
korespondiente ku ta apliká den e tipo di kasonan aki.
En bista ku tabatin menor di edat abordo, esakinan a keda alohá den un instituto pa
hóbennan, miéntras ku esnan mayor di edat a keda será pendiente di nan deportashon.
Kuerpo Polisial lo kontinuá den koperashon ku Wardakosta pa asina por sigui detektá e
embarkashonnan aki for di riba laman i asina frustra e posibilidat ku indokumentadonan ta
burla di kontrol na nos frontera.

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: