Gobièrnu di Kòrsou ta duna atenshon na fasilidatnan deportivo  

Gobièrnu di Kòrsou ta duna atenshon na fasilidatnan deportivo

 

Miembro di Parlamento David Seferina a tuma nota ku den deporte minister di Enseñansa, Siensia, Kultura i Deporte (ESKD) a kuminsá duna e atenshon nesesario  manera ku e la bini ta primintí.

 

Minister Sithree Van Heydoorn a bini ta traha duru pa rekluta fondo pa drecha fasilidatnan den bario i tambe pone lus i yerba na esakinan. Ku esaki minister a logra pone kasi 1.8 mion disponibel i banda di esaki refineria isla a pone 295 mil florin pa kaba ku e sentro Multi-Funshonal na Barber.

 

P’esei mi kier felisitá minister di (ESKD) Sithree Van Heydoorn pa keda kere den deporte i tambe sigui duna muchu mas atenshon na esaki, konsiderando ku edukashon físiko en general i deporte en partikular ta pilánan importante ku ta kontribuí na formashon, salú físiko, mental i spiritual di hende.

 

Komo miembro di Parlamento di Kòrsou mi ta sigui bringa, vigilá i kontrolá abase e maneho ku gobièrnu tin pa aloká mas fondo pa e sektor di deporte anto pa asina gobièrnu di Kòrsou sigui invertí den fasilidatnan deportivo. Paso un fasilidat deportivo den un bon kondishon ta e fuente di motivashon pa nos deportistanan lokal.

David Seferina

Miembro di Parlamento

Pa Frakshon di MFK

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: