CBF/FEBEKO ku meta pa yega top 20 di mundu na 2025 preparashon a ranka sali pa partisipashon na Caribbean Cup 2022 i Serie del Caribe 2023

CBF/FEBEKO ku meta pa yega top 20 di mundu na 2025 preparashon a ranka sali pa partisipashon na Caribbean Cup 2022 i Serie del Caribe 2023

 

Willemstad –

Manera ya ta konosi, Nos federashon di beisbol (CBF/FEBEKO) pa algun aña ta moviendo ku nos propio selekshon na nivel internashonal i awor aki lo bai sigui move ku plannan serio i profeshonal pa pone Korsou komo pais kaminda e ta merese di ta riba e mapa mundial di beisbol kual ta den TOP 20 di ranking mundial. Despues di a titula kampion di Karibe na 2021 i termina na di 2 luga di Honkbal Week Haarlem 2022, siguiente torneo den planning ta Caribbean Cup 2022 i Central American & Caribbean Games 2023. Tur esaki ta parti di e Vishon ku lo bai benefisia e mundu di beisbol kompletu for di U12 te na esun mas grandi dor di krea oportunidatnan pa tur beisbolista i tambe hasi e federashon unu ku por sostene su mes finasieramente.

Un otro logro mas ku sigur nos ta sumamente orguyoso di dje ta ku pa prome bia den historia, Korsou lo por partispa na e prestigioso Torneo “Serie del Caribe”. Esaki ta posibel danki na esfuerso di nos Minister di Ekonomia sr. Ruisandro Cijntje. E torneo aki ta un di e torneonan di mas grandi na mundu pa loke ta trata beisbol profeshonal i sigur lo habri portanan den sector ekonomiko i tambe deportivo pa nos pais.

Pa por partisipa na e torneo aki i teniendo kuenta ku Korsou te ahinda no tin un liga profeshonal, nos lo partisipa ku un ekipo forma dor di nos hungadornan profeshonal i reforsa dor di algun hungado di nos liga lokal AA i tambe hungadonan di nos hermana isla Aruba i Hulanda. Partisipashon na e torneo aki lo ta sigur un stap grandi den e direkshon di profeshonalisa nos beisbol.

Ja kaba nos tin algun konfirmashon di algun gran hungado manera Jonathan Schoop i Jurickson Profar i nos ta pendiente di algun detaye pa kaba di konfirma sobra hungadornan.

Pa hasi nos partisipashon posibel nos ta kontando kaba ku sosten di Gobiernu di Korsou i CTB.

Nos ta hasi un yamada na sektor priva pa asina yuda nos hasi esaki posibel, i naturalmente brinda nan tambe e oportunidad di por disfruta di e benefisio nan ku esaki ta trese kune.

Pa tur e torneonan nan aki nos lo tin e mesun kuerpo tekniko, di kual pa e torneo di Serie del Caribe nos kuerpo tekniko lo wordu reforsa ku Hensley Meulens.

Nos kier a invita tur fanatiko di beisbol pa sigui nos paginanan sosial pa asina keda na altura di tur nos desaroyonan i tambe check e lista di preselekshon.

Share this page to Telegram

This site uses Akismet to reduce spam. Learn how your comment data is processed.

%d bloggers like this: