KÓDIGO ORAÑO: .UN VIGILANSIA PA LAMAN BRUTU TA NA VIGOR PA ÁREA NAN DI KOSTA SÙIT I WÈST DI KÒRSOU. Pronóstiko  di tempu pa Kòrsou i bisindario bálido te djaluna mainta 06:00 o.l., 7 di novèmber 2022.

 

Pronóstiko

Pronóstiko  di tempu pa Kòrsou i bisindario bálido te djaluna mainta 06:00 o.l., 7 di novèmber 2022.
Kompilá: 
djadumingu 6 di novèmber 2022, 05:00 o.l. (09:00 UTC).

KÓDIGO ORAÑO: .UN VIGILANSIA PA LAMAN BRUTU TA NA VIGOR PA ÁREA NAN DI KOSTA SÙIT I WÈST DI KÒRSOU.

Tempu: Shelu ta kontinuá basta nublá ku períodonan di áwaseru. Lokalmente tambe tin posibilidat leve pa welek i bos. Ademas, bista lo ta sublime.

Temperatura máksimo lo alkansá 29ºC i temperatura mínimo 24ºC.
Solo ta sali 06:30 i ta baha 18:09 o.l.

Bientu: Di direkshon entre sùit i wèst, suak te moderá; forsa 2 te 4 (7 te 30 km/ora, 4 te 16 nudo). Prinsipalmente durante di yobida, ráfaga por ta de bes en kuando basta fuerte te fuerte; forsa 5 te 6 (31 te 50 km/ora, 17 te 27 nudo).

Situashon general: Un área ku preshon abou riba parti oriental di Karibe, na nort di nos isla, awe tardi ta move poko poko den direkshon nortost. E disturbio aki lo sigui kousa oumento temporal di nubia ku ta laga awa kai plamá riba e área. E fluho di bientu den nos bisindario ku forsa suak te moderá lo kontinuá for di un direkshon generalmente wèst. Ademas ta premirá ku esaki lo supla de bes en kuando un poko fuerte. Pa motibu ku laman na e kostanan wèst i sùit lo ta brutu i peligroso a eskalá e mensahe di prekoushon di pa un nivel di vigilansia i esaki lo keda na vigor te na e próksimo aviso.

Kondishon di laman:
 Trankil na kosta nort ku altura di olanan ménos ku 1 meter (3 pia). Moderá te brutu na kosta zùit pa wèst di Kòrsou ku altura di olanan entre 1 i 2 meter (3 pa 6 pia).

Sistemanan signifikante di wer tropikal: 
Un disturbio lokalisá riba sekshon ost di Karibe ta move por lo general den direkshon nort i ta premirá ku e lo intensifiká i bira un siklon na momento ku e ta riba parti sùitwèst di Atlántiko-Nort, djis nort di e isla di Hispaniola. E sistema aki no ta forma un menasa direkto pa Kòrsou.

Fenómeno spesial: 
Ningun.

Perspektiva te djamars mainta: Por lo general parsialmente nublá i chèns pa áwaseru signifikante ta mengua un tiki riba djaluna. Durante djamars mardugá posibilidat pa algun yobida ta bolbe oumentá.

Meteorólogo:
 Correa

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: