Esfuerso konhunto entre Asosashon Dòkternan di Kas i Kabinete di Minister Pietersz- Janga ta kontribuí na realisashon di un “huisartsenpost” pa Kòrsou

 

Esfuerso konhunto entre Asosashon Dòkternan di Kas i Kabinete di Minister Pietersz- Janga ta kontribuí na realisashon di un “huisartsenpost” pa Kòrsou

Willemstad – Kabinete di Minister Dorothy Pietersz- Janga resientemente a reuní ku Asosashon Dòkter di Kas relashoná ku un “huisartsenpost” pa Kòrsou. Despues ku tabatin un reunion di apertura ku dòkternan di kas siman pasá, pa e siman aki a dal pasonan gigantesko hasiendo palabrashonnan konkreto kon konhuntamente ta bai traha pa yega na un “huisartsenpost”.

E reunion a bai den un esfera ameno i den un siman e grupo di trabou ta kuminsá traha konforme palabrashon pa realisá e “huisartsenpost”. Histórikamente palabrashonnan den pasado semper a bai hopi lento i wantá. Aktualmente tantu Kabinete di Minister komo Asosashon Dòkter di Kas basá riba un sentimentu di konfiansa ta sinti ku awor si pasonan grandi ta keda di dal pa porfin realisá e meta final ku ta un “huisartsenpost” pa Kòrsou.

 

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: