TUR KOS TA KLA PA TORNEO ABCS 2022

TUR KOS TA KLA PA TORNEO ABCS 2022 KU LO TUMA LUGÁ DIANAN 24, 25 I 26 DI NOVÈMBER 2022 AKI NA KÒRSOU!

 

 

Tur kos ta kla pa nos selekshon enfrentá Aruba, 24 novèmber 2022 pa 9’or di anochi den Stadion Rignaal ‘Jean’ Francisca durante nos promé partido di Torneo ABCS 2022. Despues dia 26 novèmber nos lo tin nos segundo enkuentro durante e final di Torneo ABCS 2022.

Arubu i Boneiru lo ta na Kòrsou mañan durante dia miéntras Sürnam a yega djaluna último pa sigui ku e preparashonnan pa e partidonan aki.

 

Manera ya nos a avisá e aña aki Torneo ABCS lo tin partidonan di nos selekshonnan hubenil kategoria U-9, U-11 i U-13 ku lo enfrentá Boneiru den wikènt i tambe un partido amistoso di nos damanan entre Selekshon Pariba i Selekshon Pabou.

 

Nos téknikonan Lennox Mauris i Gersinio Constansia huntu ku nan staf a yega na un lista di 22 hungadó ku ta forma parti di e selekshon ku lo partisipá na Torneo ABCS 2022.

Tur e hungadónan aki ta un hungadónan áktivo den Liga MCB Promé Divishon.

 

E siguiente hungadónan ta forma parti di e selekshon pa e partidonan di Torneo ABCS;

 

  1. Bryan Anastatia
  2. Ivanny Calvenhoven
  3. Ethelbert Daal
  4. Kurt de Palm
  5. Shudelmar Dorand
  6. Ruensley Leuteria
  7. Sugently Martha
  8. Jurensley Martina
  9. Reuel Martina
  10. Alrick Pantophlet
  11. Na-jir Peny
  12. Shurwendel Roosje
  13. Danel Rosa
  14. Davidson Rosa
  15. Frenly Servania
  16. Juliviën Sprockel
  17. Andruw Stokkel
  18. Rowendy Sumter
  19. Xavier Susanna
  20. Soranley Tomsjansen
  21. Jared Tyrol
  22. Naigel Valorian

 

E partidonan di nos selekshonnan hubenil i tambe e partido femenino lo ta kompletamente grátis miéntras pa esnan di senior mester paga solamente fl.5,-.

Karchinan ta optenibel na ofisina di FFK di 9’or di mainta pa 5’or di atardi nòn-stòp.

Riba dianan di wega por kumpra karchi na e lokètnan di FFK for di 6’or di atardi.

 

Invitashon ta bai na pueblo di Kòrsou kompletu pa bin apoyá nos selekshonnan ku lo mira akshon durante Torneo ABCS 2022 di 24 di novèmber pa djasabra 26 di novèmber den Stadion Rignaal ‘Jean’ Francisca.

Share this page to Telegram

This site uses Akismet to reduce spam. Learn how your comment data is processed.

%d bloggers like this: