Dama hoben di Aruba a fayece tragicamente na Colombia

Dama hoben di Aruba a fayece tragicamente na Colombia Mari ta ex-alumno di Maria College y Colegio Arubano.

Ta trata aki di e dama Marilyn Cardona, un dama naci na Aruba y cu a crece riba e isla.

Accident na Colombia: Noticia for di Pereira ta indica cu sinembargo destino a dicidi otro, ora cu Diasabra merdia, Mari a subi su motorcycle Yamaha 125cc pa bay haci un diligencia.  Ora Mari ta coriendo riba e caminda di Belen pa Remolinos, banda di e bario di ‘La Argentina’, el a bay dal semi-frontal contra un Truck modelo Chevrolet FRR color blanco.  El a dal den e banda dilanti parti robez di e Truck, kibrando e housing di luz, y su curpa kizas a dal den e spiel tambe.  Despues di e impacto, e motorcycle a keda banda drechi di caminda den pida yerba.

Mesora a bati alarma, y Polis como tambe personal di Rescate di Cuerpo di Bombero local, cu a atende Mari gravemente herida eybao, y a dicidi na hibe cu urgencia pa Hospital San Jose.  Como cu e golpinan a ocasion trauma severo na su cerebro, eynan a dicidi pa hibe pa cuido mas specializa pa Hospital Universitario San Jorge na Pereira.  Sinembargo durante e traslado aki, el a fayece debi na e heridanan severo aki.  Asina Docter a constata morto di Marilyn Cardona, naci dia 22 di April 1996, pues tin 26 aña di edad.

E golpi fuerte na su cabez posiblemente ta bin di e impacto cu e parti duro di e truck.