Persona riba un kayak ku tabata rema bai bin poko sospechoso den bahía di Santa Ana,

Den oranan di mainta trempan e Sentro Operashonal Marítimo di Wardakosta a risibí un yamada di Kompania di Tou Kòrsou (KTK) tokante un persona riba un kayak ku tabata rema bai bin poko sospechoso den bahía di Santa Ana, no tabata konosí kiko tabata su intenshon. El a duna di konosí si ku e tabata pa rema bai STP KW. Un patruya di Metal Shark a ranka sali mesora pa hiba e persona na e Steunpunt di Wardakosta. Despues ku e persona a yega e Steunpunt, el a duna di konosé ku el a kue e kayak for di hotel Avila. Kuerpo polisial a keda notifiká, ku na nan turno a manda un patruya i e personal di Wardakosta a entregá e persona na polis. E kayak a keda hibá hotel Avila pa e personal di Wardakosta.