COST U LESS TA BAI SERA SU PORTA

Trahadornan di Cost U Less situá na Jan Noorduynweg tabata den un reunion unda tim di maneho a partisipá ku lo no kontinuá mas ku e kompania aki na Kòrsou despues di luna di Febrüari 2023.

A partisipá na e trahadónan ku nan lo risibí pago di sesantia, tambe tur nan otro kosnan lo ser paga pero nan por kuminsa buska un otro trabou.

Informashon no ofisial ta indiká ku tin 2 otro interesadó pa kumpra e establesimentu aki. Ta trata di un komersiante chines ku ya tin 5 supermarket kaba na Kòrsou aki, ku lo ta interesá pa kumpra e establesimentu aki. Sinembargo tambe tin rumor ku tin un persona liga den mundu di farandula ku a mustrá interesá den e luga, pa konvertí esaki den un luga pa pone diferente fiesta aden.