Minister Javier Silvania:  QUINCY GIRIGORIE. DANKI PA E REGALU DI AÑA NOBO. Den pitu di elekshon PAR A HINKA PAIS KORSOU DEN UN DEBE DI 26,88 mion EURO.

Minister Javier Silvania 

QUINCY GIRIGORIE. DANKI PA E REGALU DI AÑA NOBO.
Den pitu di elekshon PAR A HINKA PAIS KORSOU DEN UN DEBE DI 26,88 mion EURO.
Dia 4 maart 2021 Quincy Girigorie a firma un bestuursakkoord ku Hulanda den kual a akorda ku pa 2023 Pais Korsou lo kuminsa paga un montante di 3,84 mion euro pa aña EXTRA na bijdrage pa Kustwacht. Aktualmente nos ta pagando 3,2 mion euro. E extra bijdrage aki ta den kuadro di landspakket i ta pa Kustwacht kumpra entre otro material.
Imagina bo. Un ekonomia ku ta rekuperando for di pandemia no por bai paga EXTRA 3,84 mion euro pa aña.
Sr. Girigorie a bai di akuerdo pa pais Korsou paga en total 26,88 mion euro pa Kustwacht den 7 aña.
Ta insolito ku Quincy Girigorie ta firma un akuerdo asina mei-mei di pandemia den pitu di elekshon pasobra e no a tene debido kuenta ku e aftershock di e pandemia pa ku ekonomia i finansas di pais Korsou. Un pais vulnerabel ku ta depende di solamente un pilar ekonomiko, esta turismo.
E 26,88 mion euro ei kabinete Pisas lo por a husa e sen pa hasi invershon den nos ekonomia, por ehempel drecha kaya.
E extra bijdrage drastiko ta demostra ku e proseso pa yega na e montante di 3,84 mln euro pa aña 7 aña largu no ta den benefisio di Korsou. Sr Girigorie komo minister di hustisia NO a bisti su karson a lo MACHU i para Hulanda.
Minfin ta rekomenda minister Hato pa huntu ku colega minister di hustisia di Aruba i Sint Maarten hasiendo uso di art. 3 i 4 di e Bestuursakkoord renegosha ku Hulanda.
Mester manda un mensahe klarito pa Hulanda ku Korsou no tin sen pa kubri e gastunan EXTRA aki.
Share this page to Telegram

This site uses Akismet to reduce spam. Learn how your comment data is processed.

%d bloggers like this: