𝐄𝐧𝐭𝐢𝐝𝐚𝐭 𝐏𝐮́𝐛𝐥𝐢𝐤𝐨 𝐁𝐨𝐧𝐞𝐢𝐫𝐮 𝐭𝐚 𝐟𝐞𝐥𝐢𝐬𝐢𝐭𝐚́ 𝐦𝐚𝐲𝐨𝐫𝐧𝐚𝐧 𝐝𝐢 𝐩𝐫𝐨𝐦𝐞́ 𝐛𝐞𝐢𝐛𝐢 𝐛𝐨𝐧𝐞𝐫𝐢𝐚𝐧𝐨 𝐝𝐢 𝐚𝐧̃𝐚 𝟐𝟎𝟐𝟑

E promé beibi di aña na Boneiru ta Ajmal Zahir Ishadai van de Werp Rosario Janga ku a nase den mardugá di 4 di yanüari pa eksaktamente 00:31 or. Awe mainta na nòmber di Entidat Públiko Boneiru diputado Elvis Tjin Asjoe di Komunidat i Kuido personalmente a felisitá e mama Jazmin van de Werp Rosario i e tata Lisandro Fernando Janga ku nasementu di nan yu hòmber. E diputado a trese un regalo chikitu pa e famia, ku ta konsistí di entre otro produkto pa kuido di beibi. Tambe el a bisa nan ku nan ta bai drenta un temporada hopi plasentero i ku sigur nan mester disfrutá di kada momentu.