π—¦π—˜π—‘Μƒπ—’π—₯ π—šπ—₯π—˜π—šπ—’π—₯𝗬 π—™π—¨π—‘π—š 𝗔 𝗙𝗔𝗧 π——π—œ π—”π—‘π—§π—œπ—Ÿπ—Ÿπ—” π—˜π—‘π—˜π—₯π—šπ—¬ 𝗔π—₯𝗨𝗕𝗔 𝗔 𝗣π—₯π—˜π—¦π—˜π—‘π—§π—” 𝗑𝗔 π—–π—’π—‘π—¦π—˜π—›π—’ π——π—œ π— π—œπ—‘π—œπ—¦π—§π—˜π—₯ π—˜ 𝗣π—₯π—’π—¬π—˜π—–π—§π—’ π——π—œ β€œπ—¦π—’π—¨π—₯π—–π—˜ 𝗔π—₯𝗨𝗕𝗔”

π—¦π—˜π—‘Μƒπ—’π—₯ π—šπ—₯π—˜π—šπ—’π—₯𝗬 π—™π—¨π—‘π—š 𝗔 𝗙𝗔𝗧 π——π—œ π—”π—‘π—§π—œπ—Ÿπ—Ÿπ—” π—˜π—‘π—˜π—₯π—šπ—¬ 𝗔π—₯𝗨𝗕𝗔 𝗔 𝗣π—₯π—˜π—¦π—˜π—‘π—§π—” 𝗑𝗔 π—–π—’π—‘π—¦π—˜π—›π—’ π——π—œ π— π—œπ—‘π—œπ—¦π—§π—˜π—₯ π—˜ 𝗣π—₯π—’π—¬π—˜π—–π—§π—’ π——π—œ β€œπ—¦π—’π—¨π—₯π—–π—˜ 𝗔π—₯𝗨𝗕𝗔”
ORANJESTAD – Diabierna 6 di Januari, Gobierno a organisa e prome Conseho di Minister pa 2023 cu a tuma luga na San Nicolas na unda cu tawata tin varios presentacion di proyectonan hopi interesante. Presente den e reunion aki tabata sr. Gregory Fung A Fat, representante di Antilla Energy Aruba y a presenta na Gobierno e proyecto di β€œSource Aruba”. E proyecto aki ta encera di saca awa for di aire pa por wordo hinca den boter y wordo distribui rond di Aruba.
Sr. Fung A Fat a splica cu e proyecto aki ta uno sostenibel na unda no ta uza boternan di plastic sino boternan recicla mescos cu a uza boternan di refresco antes. E technologia cu ta wordo uza durante e proceso ta mescos cu ora ta uza airco, ta saca awa di humedad. E diferencia ta cu e proceso aki ta poco mas cera y specifico. Segun sr Fung A Fat e technologia aki ta den funcion pa mas di 20 aΓ±a caba rond di mundo.
β€œE reunion a bay bon, den bon ambiente, y ta spera awor riba e contribucion di Gobierno pa por haci e proyecto aki realidad”, sr Fung A Fat a expresa.
Share this page to Telegram

This site uses Akismet to reduce spam. Learn how your comment data is processed.

%d bloggers like this: