𝗣π—₯π—’π— π—˜ π— π—œπ—‘π—œπ—¦π—§π—˜π—₯ 𝗔 π—₯π—˜π—¨π—‘π—œ 𝗖𝗨 π—˜π— π—•π—”π—›π—”π——π—’π—₯ π——π—œ π—”π—Ÿπ—˜π— π—”π—‘π—œπ—” π—¦π—˜π—‘Μƒπ—’π—₯ 𝗗π—₯. 𝗖𝗬π—₯π—œπ—Ÿπ—Ÿ π—π—˜π—”π—‘ 𝗑𝗨𝗑𝗑

Prome Minister Evelyn Wever-Croes:
𝗣π—₯π—’π— π—˜ π— π—œπ—‘π—œπ—¦π—§π—˜π—₯ 𝗔 π—₯π—˜π—¨π—‘π—œ 𝗖𝗨 π—˜π— π—•π—”π—›π—”π——π—’π—₯ π——π—œ π—”π—Ÿπ—˜π— π—”π—‘π—œπ—” π—¦π—˜π—‘Μƒπ—’π—₯ 𝗗π—₯. 𝗖𝗬π—₯π—œπ—Ÿπ—Ÿ π—π—˜π—”π—‘ 𝗑𝗨𝗑𝗑
ORANJESTAD – Prome Minister Evelyn Wever-Croes dialuna mainta a reuni cu Embahador di Alemania kende ta staciona na Den Haag, Hulanda, seΓ±or Dr. Cyrill Jean Nunn. Esaki ta e prome bishita di seΓ±or Nunn na Aruba. Aruba ta cay bou di e particion di maneho di Embahada di Alemania na Den Haag. AcompaΓ±a pa seΓ±or Nunn, tawata Consul Honorario Alemania na Aruba, seΓ±ora Landa Cohen Henriquez-Jansen y seΓ±ora Ghislaine Nicolas di Directie Buitenlandse Betrekkingen (DBB).
Durante e reunion, Prome Minister a informa seΓ±or Nunn di e situacion di Aruba y su recuperacion despues di varios crisis y nan efectonan den e ultimo aΓ±anan. SeΓ±or Nunn a expresa interes den sa den ki aerea Aruba tin mester di mas asistencia pa asina e yuda atrae mas inversionista y turista di Alemania pa Aruba. A yega na palabracionnan riba esaki.
SeΓ±or Nunn a keda hopi impresiona di sa con Aruba ta recuperando como tambe di e deseo y empeΓ±o di Aruba pa ta miho cada dia y especialmente pa sali for di e pandemia na un forma miho cu nos tawata ta prome cu e pandemia.
β€œTawata un bon reunion sigur cu lo estrecha mas lasonan cu otro paisnan Europeo pa fortifica nos economia”, Prome Minister a duna di conoce.
Share this page to Telegram

This site uses Akismet to reduce spam. Learn how your comment data is processed.

%d bloggers like this: