๐˜”๐˜ช๐˜ฏ๐˜ช๐˜ด๐˜ต๐˜ฆ๐˜ณ ๐˜‹๐˜ข๐˜ฏ๐˜จ๐˜ถ๐˜ช ๐˜–๐˜ฅ๐˜ถ๐˜ฃ๐˜ฆ๐˜ณ ๐——๐—˜๐—ก ๐—”๐—กฬƒ๐—” ๐Ÿฎ๐Ÿฌ๐Ÿฎ๐Ÿฎ ๐—”๐—ฅ๐—จ๐—•๐—” ๐—ฆ๐—จ ๐—ง๐—จ๐—ฅ๐—œ๐—ฆ๐— ๐—ข ๐—” ๐—ฅ๐—˜๐—–๐—จ๐—ฃ๐—˜๐—ฅ๐—” ๐—˜๐—ซ๐—–๐—˜๐—ฃ๐—–๐—œ๐—ข๐—ก๐—”๐—Ÿ

Minister di Turismo y Salud Publico sr. Dangui Oduber ta informa comunidad riba e ultimo cifranan di turismo cu a drenta for di Banco Central. Aรฑa 2022 tabata e aรฑa di recuperacion y esaki no por a bay di un mihor forma. Aruba di berdad ta un isla resiliente y e cifranan ta demostra esaki tambe.
Aruba por ta orguyoso di a registra un grado di recuperacion di nos turismo di 98.4% den comparacion cu aรฑa 2019 cu tabata un aรฑa record den turismo, esaki ta excepcional y Minister Oduber ta hopi satisfecho cune.
E tourism receipt (credit) cu ta wordo midi pa banco central a conoce un crecemento di 18% durante e prome(1) cuartal te cu e tercer(3) cuartal di aรฑa 2022 den comparacion cu e mesun periodo di aรฑa 2019. E tourism credit tabata 3.2 biyon florin y esaki tabata un crecemento di 500 miyon florin!
Esaki ta nifica cu den aรฑa 2022 e turistanan a laga mas placa atras den nos economia cu na aรฑa 2019.
Den aรฑa 2022 Aruba a keda reconoci pa ta e di dos pais na mundo cu mihor a recupera su turismo despues di e temporada di pandemia.
Minister Dangui Oduber ta felicita pueblo di Aruba cu e bunita resultado aki, e ta algo pa ta orguyoso di dje. Ban sigui engrandese nos turismo.
Share this page to Telegram

This site uses Akismet to reduce spam. Learn how your comment data is processed.

%d bloggers like this: