Prome Minister Evelyn Wever-Croes: ππ„π“πˆπ‚πŽ π‚π‘πŽπ„π’ 𝐀 πƒπ„πŒπŽπ’π“π‘π€ 𝐂𝐔 𝐀𝐑𝐔𝐁𝐀 𝐓𝐀 π‹πŽπ†π‘π€ π‚πŽπ’ππ€π π†π‘π€ππƒπˆ 𝐃𝐄𝐍 π”ππˆπŽπ 𝐘 𝐂𝐔 ππŽπ’πˆπ“πˆπ•πˆπ’πŒπŽ

β€œUn Pueblo uni, hamas por ser hundi!.” ~ Gilberto FranΓ§ois β€˜Betico’ Croes.
Gilberto François Croes, miho conoci como Betico, a nace dia 25 di januari di e aña 1938 den un famia grandi pero humilde na Santa Cruz. For di mucha, Betico tawata hopi stima pa esnan rond di dje. E tawata gusta yuda otro. Betico tawata yuda Pastoor tambe como misdinaar. Algo sigur cu ta di remarca ta cu for di hoben caba, tawata bisto cu Betico un dia lo bira un lider.
Su amor incondicional pa un pueblo, su boluntad pa haci un sacrificio personal pa benificia su pueblo, su accionnan incansable pa salba su pueblo, su bondad legitimamente compasivo pa su pueblo, su corage pa enfrenta forsanan grandi pa su pueblo, su noblesa pa sirbi su pueblo, y su determinacion pa lucha den union cu e pueblo y cu hopi positivismo pa logra, ta haci cu awe su pueblo ta recorde como un heroe, como un tata, como un libertador. Manera Betico mes a expresa, β€œUn Pueblo uni, hamas por ser hundi”. Y ta cu e mesun pensamento aki, nos pueblo lo lucha pa e bon futuro di nos pais.
Diaranson awo, dia 25 di januari, Aruba ta uni pa recorda y celebra e fecha natal di seΓ±or Gilberto FranΓ§ois β€˜Betico’ Croes. Mientras nos ta acercando e fecha aki, laga nos corda tur loke e gran estadistica aki a haci pa nos pueblo. Entre otro, Betico a lucha pa Aruba tin su propio ortografia di Papiamento Etimologico, Himno y Bandera, Banco Central, Florin Arubiano, Propio Gobierno y Parlamento y nos Status Aparte.
Prome Minister Evelyn Wever-Croes, den nomber di Gobierno di Aruba, ta invita tur ciudadano pa celebra e dia importante aki. Ban hisa nos bandera y mustra nos orguyo di ta Arubano. Den Union y Positivismo nos lo reflexiona y celebra e logronan di nos Libertador, logronan cu awe ta haci nos mas fuerte como un pais den Reino. Danki Betico, pa Stima nos pais.
Share this page to Telegram

This site uses Akismet to reduce spam. Learn how your comment data is processed.

%d bloggers like this: