π˜”π˜ͺ𝘯π˜ͺ𝘴𝘡𝘦𝘳 π˜‹π˜’π˜―π˜¨π˜Άπ˜ͺ π˜–π˜₯𝘢𝘣𝘦𝘳 𝗛𝗒𝗛 𝗧𝗔 𝗨𝗑 π—˜π—›π—˜π— π—£π—˜π—Ÿ 𝗣𝗔 𝗧𝗨π—₯ π—œπ—‘π—¦π—§π—”π—‘π—–π—œπ—” 𝗬 π—–π—’π— π—£π—”π—‘π—œπ—”π—‘π—”π—‘ π——π—˜π—‘ π—œπ— π—£π—Ÿπ—˜π— π—˜π—‘π—§π—”π—–π—œπ—’π—‘ π——π—œ π—˜ π—Ÿπ—˜π—¬ π——π—œ 𝗧𝗔𝗕𝗔𝗖𝗒

ORANJESTAD – Recientemente por a tuma nota di un anuncio di Dr. Horacio Oduber Hospital (HOH) riba facebook caminda nan ta anuncia cu entrante 1 di maart 2023 nan ta bay ta completamente liber di huma. Segun Minister di Turismo y Salud Publico sr. Dangui Oduber e iniciativa aki sigur ta un ehempel pa tur e instancianan y companianan den cuadro di e implementacion di β€œLandsverordening Beperking Tabaksproducten (AB 2016 no.41)”.
Manera ta conoci e ley aki a drenta na vigor dialuna 2 di mei 2022. E ley aki ta bay prohibi tur menornan di 21 aΓ±a pa cumpra, uza of pa traha den areanan cu ta bende productonan di tabaco. Tambe e ley aki ta prescribe cu ta prohibi pa huma den un edificio of area cu ta accesibel pa tur hende.
Pa e motibo aki HOH a dicidi pa implementa e ley caminda entrante 1 di maart no ta permiti pa huma sigaria, sigaria electronico of cualkier otro producto cu tin como contenido tabaco riba tereno di HOH, LABHOH y Bloedbank ni tampoco paden di edificio, incluyendo e parkeo y policlinicanan.
Minister Oduber a seΓ±ala cu e ley cu ta limita e uzo di poductonan di tabaco ta un di e aspectonan importante den Aruba su plan nacional di prevencion den salud. E ta ta dedica na mehora e calidad bida, servicio y salud di Aruba su comunidad.
Minister Oduber ta spera cu mas instancia y companianan cuminsa implementa e ley aki pa asina hunto nos traha riba prevencion y alabes e impacto positivo riba salud publico.

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: