Manera hopi di nos por a tuma nota, Selikor a ranka sali duru ku trabounan di limpiesa di nos kayanan.

 Areanan di Muizenberg, Santa Maria i Stenen Koral ta entre e áreanan ku na e momentunan aki ta limpiando kaya. Servisio di GMN kual ta AVB (ántes LVV) tambe ta ehersiendo un bon trabou ku limpiesa di vários di nos plenchinan. A limpia plenchinan na Palu Blanku, Suffisant i Mahuma Ariba. Un danki na tur e trahadónan ku ta trahando pa hasi nos isla limpi. Riba kombinashon di potrèt por haña un bista di e trabounan ku ta tumando lugá.