Minister Geoffrey Wever: ๐— ๐—ฒ๐˜€๐˜๐—ฒ๐—ฟ ๐˜๐—ฟ๐—ฎ๐—ต๐—ฎ ๐—ป๐—ฎ ๐—ฒ ๐—ฐ๐—ผ๐—ป๐—ฑ๐—ถ๐—ฐ๐—ถ๐—ผ๐—ป๐—ป๐—ฎ๐—ป ๐—ป๐—ฒ๐—ฐ๐—ฒ๐˜€๐—ฎ๐—ฟ๐—ถ๐—ผ ๐—ฝ๐—ฎ ๐—ฎ๐˜ƒ๐—ฎ๐—ป๐˜€๐—ฎ ๐—ฑ๐—ฒ๐˜€๐—ฎ๐—ฟ๐—ผ๐˜†๐—ผ ๐˜€๐—ผ๐˜€๐˜๐—ฒ๐—ป๐—ถ๐—ฏ๐—ฒ๐—น ๐—ป๐—ฎ ๐—”๐—ฟ๐˜‚๐—ฏ๐—ฎ

Recientemente Minister Geoffrey Wever, como Minister di Desaroyo Sostenibel, a reuni cu representantenan di Sustainable Development Goals (SDG) Commissie y afdeling Sustainable Development Planning di Directie Economische Zaken, Handel en Industrie (DEZHI) tocante e proximo pasonan den implementacion di e SDG Framework di United Nations.
Desde 2015 Aruba a adopta e Metanan di Desaroyo Sostenibel di Nacionnan Uni cu Agenda 2030 pa desaroyo sostenibel. E Agenda 2030 ta metanan mundial pa desaroyo sostenibel basa riba e principionan di Derechonan Humano y โ€œLeave no one behindโ€ den cual ta crucial pa alcansa harmonia entre tres elemento esencial di desaroyo sostenibel: crecemento economico, inclusion social y proteccion di medio ambiente.
E Metanan di Desaroyo Sostenibel (SDGs) ta consisti di 17 metanan riba cual paisnan ta traha pa alcansa den nan contexto nacional. E metanan ta: 1. Caba cu pobresa; 2. Caba cu hamber; 3. Salud y bienestar; 4. Enseรฑansa di calidad: 5. Igualdad di genero; 6. Awa limpi; 7. Energia limpi y economico; 8. Trabou decente y crecemento economico; 9. Innovacion y infrastructura; 10. Reduci desigualdad; 11. Barionan y comunidadnan sostenibel; 12. Produccion y consumo responsabel; 13. Accion riba clima; 14. Bida bou awa; 15. Bida riba tera; 16. Paz, husticia y institucionnan fuerte; 17. Partnership pa logra e metanan.โ€‹
E siman aki e Resident Coordinator di United Nations pa Aruba, Corsou. St. Maarten, Trinidad & Tobago y Suriname, lo bishita Aruba hunto cu diferente otro representante di organisacionnan di United Nations lo bishita Aruba. United Nations ta un partner strategico internacional importante den implementacion di SDGs.
Minister Geoffrey Wever: โ€œAruba conoce diferente plannan y iniciativanan pa avansa desaroyo sostenibel. Importante ta pa traha tambe na e condicionnan necesario pa avansa desaroyo sostenibel na Aruba, manera conscientisacion nacional over kiko SDGs ta, fortifica partnerships strategico nacional y internacional, mehora procesonan gubernamental y priorisacion den cuadro di e recursonan (financiero y humano) limitaโ€.
Share this page to Telegram

This site uses Akismet to reduce spam. Learn how your comment data is processed.

%d bloggers like this: