๐ ๐๐ก๐๐ฆ๐ง๐๐ฅ ๐๐ก๐๐ฌ ๐๐ฅ๐ข๐๐ฆ ๐๐จ๐ก๐ง๐ข ๐๐จ ๐ฃ๐ฅ๐ข๐ ๐ ๐ ๐๐ก๐๐ฆ๐ง๐๐ฅ ๐๐ฉ๐๐๐ฌ๐ก ๐ช๐๐ฉ๐๐ฅ โ ๐๐ฅ๐ข๐๐ฆ ๐ ๐ฅ๐๐๐๐๐ ๐๐๐ฆ๐๐๐ง๐ ๐๐ ๐ฆ๐ง๐จ๐๐๐๐ก๐ง๐๐ก๐๐ก ๐๐ ๐๐๐๐๐ฆ๐ ๐๐ข๐๐๐ฆ๐๐๐ข๐ข๐.
Dia 23 di januari ultimo, Minister Endy Croes hunto cu Prome Minister Evelyn Wever-Croes a ricibi bishita di un grupo di 34 studiante cu a realisa un biahe di estudio. Ta trata di studiantenan di aรฑa 3 y 4 cu ta eherciendo e estudio di ley, โbestuurskundeโ y โintegrale veiligheidskundeโ na Haagse Hogeschool na Hulanda. E studiantenan aki ta eherciendo nan Minor den relacion cu asuntonan di Reino. E bishita di e biahe aki na Aruba ta forma parti di e Minor Asuntonan di Reino (koninkrijkszaken). E proposito di esaki ta pa e studiantenan adkiri conocemento tocante e diferencia- y similaridadnan cu tin entre Hulanda y e parti Caribense di Reino Hulandes, pa asina nan tin un idea mas cla di loke ta pasando. Ta e intencion cu despues un cantidad di studiante lo eherce nan pasantia na un instancia na un di e islanan di Reino Hulandes. Den e Minor a pone enfasis riba e relacion entre e islanan di Reino Hulandes, Hulanda y Union Europeo. E studiantenan a haci Minister Endy Croes y Prome Minister Evelyn Wever-Croes diferente pregunta encuanto situacion di enseรฑansa na Aruba y con por mehora esaki. Nan a haya un contesta amplio riba tur nan preguntanan y a keda satisfecho cu tur informacion cu nan ricibi. Minister Endy Croes ta desea e studiantenan hopi exito cu nan estudio.
You must log in to post a comment.